Moskwada sebit ýurtlarynyň Howpsuzlyk geňeşleriniň sekretarlarynyň owgan meselesi boýunça duşuşygy geçiriler
Fewral 08, 2023 | 01:15 |6577
Çarşenbe güni Moskwada Howpsuzlyk geňeşleriniň sekretarlarynyň we Milli howpsuzlyk boýunça geňeşçileriň bäşinji köptaraplaýyn duşuşygy geçiriler. Bu barada TASS Russiýa Federasiýasynyň Howpsuzlyk geňeşiniň metbugat gullugyna salgylanyp, habar berýär.
Duşuşykda "Owganystandaky ýagdaýy çözmäge gönükdirilen halkara howpsuzlygy meselelerini ara alyp maslahatlaşmak" göz öňünde tutulýar.
Russiýadan, Hindistandan, Eýrandan, Gazagystandan, Gyrgyzystandan, Hytaýdan, Täjigistandan, Türkmenistandan we Özbegistandan howpsuzlyk meselelerine jogapkär ýokary wekilleriň gatnaşmagyna garaşylýar.
Duşuşykda Russiýa federasiýasyna Russiýa Howpsuzlyk geňeşiniň sekretary Nikolaý Patruşew wekilçilik eder.
ORIENT news
