Ärdogan Türkiýedäki ýer titremesinde ejir çekenlere tiz sagalmagy arzuw etdi
Twitterdäki resmi hasabynda Türkiýäniň prezidenti Rejep Täýyp Ärdogan şu gün irden ýurduň günorta-gündogarynda bolan ýer titremesinden ejir çeken raýatlara tiz sagalmagy arzuw etdi.
Ol şeýle hem ähli degişli edaralaryň doly taýýarlyk ýagdaýyna getirilendigini nygtamak bilen, ýer titremesinden ejir çeken sebitlere gözleg-halas ediş toparlarynyň şol bada ugradylandygyny belledi.
«Biziň Içeri işler ministrligimiz we Saglygy goraýyş ministrligimiz, Adatdan daşary ýagdaýlaryň öňüni almak we täsirlerini ýok etmek baradaky müdirligimiz, häkimliklerimiz we ähli beýleki edaralar haýal etmän öz işine başladylar. Biz bu betbagtçylygy gysga wagtyň içinde az ýitgiler bilen ýeňip geçeris diýip, umyt edýärin» - diýip, Ärdogan aýtmak bilen, şu gün – Türkiýäniň her bir 85 million ýaşaýjysy üçin jebislik we birlik günüdir – diýip, nygtady.
Türkiýedäki ýer titremesiniň pidalarynyň sany 900 adamdan geçdi, Siriýadaky pidalaryň sany – 400 adamdan geçdi. Eýýäm dünýäniň 45 ýurdundan Ankaranyň adyna kömek teklibi gelip gowuşdy, şeýle hem kömek bermek barada ÝB-den we NATO-dan gelip gowuşdy.
ORIENT habarlar
