Ärdogan weýrançylykly ýer titremeden ejir çeken welaýatlardaky ýagdaý bilen tanyş boldy
Türkiýäniň prezidenti Rejep Taýyp Ärdogan weýrançylykly ýer titremesiniň netijesinde ejir çeken welaýatlardaky ýagdaý bilen tanyş boldy – diýip, Anadolu agentligi habar berýär.
Ilki bilen türk lideri 6-njy fewralda Türkiýäni sarsdyran ýer titremäniň merkezi bolam Kahramanmaraşa geldi. Ol Adatdan daşary ýagdaýlaryň öňüni almak we netijelerini ýok etmek müdirligi tarapyndan (AFAD) öýsüz galan raýatlar üçin çadyr lageri gurlan ýerli Onikişubat stadionyna baryp gördi. Pazarjyk şäherinde Ärdogan ýykylan jaýlaryň üýşmegini aýyrmak işleriniň gidişi bilen tanyşdy we Atatürk adyndaky seýilbagda oturdylan çadyr şäherjigine baryp gördi.
Magnitudasy 7,7 we 7,6 bolan ýer titremesinde ejir çeken şäherleriň biri hem Hataýdyr, prezident ol ýere hem bardy.
«Bu gün biziň üçin synag günüdir, biziň halkymyz muny başarar diýip umyt edýärin» - diýip, Rejep Täýyp Ärdogan belledi we Türkiýäniň halkyny betbagtçylygyň öňünde agzybirlige we raýdaşlyga çagyrdy.
Prezident ýurduň hökümeti tarapyndan bir ýylyň dowamynda ýer titremeden ejir çeken 10 welaýatyň ýaşaýjylaryna täze öýleri berjekdigini beýan etdi, her bir maşgala bolsa döwletden 10 müň lira kömek puly berler. Alymlaryň pikirine görä, Türkiýedäki uly ýer titremeleriniň döwürleýinligi adaty däldi.
Saud Arabystanyndaky patyşa Abdalla adyndaky Ylmy-tehnologiki uniwersitetiň professory Pol Martin Maý magnitudasy 7,6 deň bolan ikinji güýçli ýer titreme birinjiden birnäçe sagat soňra bolup geçdi diýip hasaplaýar. Bu seýsmiki hadysalaryň bütindünýä möçberinde alanyňda «asla adaty däldir». Şuňa meňzeş hadysalara «goşa ýer titreme hem diýilýär» - diýip, ol aýtdy.
«Ikinji ýer titremesiniň merkezi (episentri) birinjiden 100 km uzaklykda ýerleşýärdi. Diýmek ikinji ýer titreme birinjiniň yrgyldysy däldi. Olaryň hersiniň yzyndan kiçi yrgyldamalar boldy» - diýip, ol bu bolup geçen hadysa düşündiriş berdi.
ORIENT habarlar
