Türkmen halkynyň Milli Lideriniň adyna gelen gutag hatlar
Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Hormatly jenap Başlyk!
Türkmen halkynyň Milli Lideri diýlip kanuny taýdan ykrar edilmegiňiz hem-de Türkmenistanyň Halk Maslahatynyň Başlygy wezipesine bellenmegiňiz mynasybetli tüýs ýürekden gutlaglarymy kabul ediň.
Siziň tagallalaryňyz netijesinde Türkmenistanyň durnukly ösüş we abadançylyk ýoly bilen ilerlemegini dowam etjekdigine berk ynanýaryn. Şeýle hem Koreýa Respublikasy bilen Türkmenistanyň arasyndaky dostluk we hyzmatdaşlyk gatnaşyklarynyň mundan beýläk-de ösdüriljekdigine umyt edýärin. Geçen ýylyň noýabr aýynda Siziň Koreýa Respublikasyna amala aşyran resmi saparyňyzyň netijeleri boýunça bu gatnaşyklar has-da pugtalandyryldy.
Siziň bilen Aşgabatda duşuşmaga sabyrsyzlyk bilen garaşýaryn, şeýle hem Size we Türkmenistanyň ähli halkyna parahatçylyk we abadançylyk arzuw edýärin.
Kim Çžin Phýo, Koreýa Respublikasynyň Milli Assambleýasynyň Başlygy
Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Hormatly Gurbanguly Mälikgulyýewiç!
Türkmen halkynyň Milli Lideri diýlip kanuny taýdan ykrar edilmegiňiz we Türkmenistanyň Halk Maslahatynyň Başlygy wezipesine bellenmegiňiz mynasybetli Size tüýs ýürekden gutlaglarymy we iň gowy arzuwlarymy beýan edýärin.
Munuň özi Siziň Türkmenistanyň hemmetaraplaýyn ösüşiniň we doganlyk halkyň abadançylygynyň bähbidine bitiren bimöçber hyzmatyňyza berlen ýokary bahadyr.
Umumy ruhy gymmatlyklary we dini-medeni kökleri bolan halklarymyzyň erk-islegine esaslanýan azerbaýjan-türkmen gatnaşyklarynyň strategik hyzmatdaşlyk häsiýete eýe bolmagy uly kanagatlanma döredýär. Aýratyn-da soňky ýyllarda ýurtlarymyzyň arasyndaky dürli ulgamlary öz içine alýan özara bähbitli hyzmatdaşlyk durnukly ösdürilýär hem-de pugtalandyrylýar.
Azerbaýjan-türkmen dostlukly gatnaşyklaryň we netijeli hyzmatdaşlygyň halklarymyzyň bähbidine laýyklykda yzygiderli pugtalandyryljakdygyna we giňeldiljekdigine ynanýaryn.
Pursatdan peýdalanyp, Size berk jan saglyk, bagtyýarlyk, jogapkärli işiňizde üstünlikleri arzuw edýärin.
Tüýs ýürekden hormatlamak bilen,
Sahiba Gafarowa, Azerbaýjan Respublikasynyň Milli Mejlisiniň Başlygy
Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Siziň Alyhezretiňiz!
Türkmen halkynyň Milli Lideri diýlip kanuny taýdan ykrar edilmegiňiz we Türkmenistanyň Halk Maslahatynyň Başlygy wezipesine bellenmegiňiz mynasybetli Sizi tüýs ýürekden gutlaýaryn.
Ýurduňyzda amala aşyrylýan özgertmeler, jemgyýetçilik durmuşynyň ähli ulgamlarynda gazanylýan uly üstünlikler we halkyňyzyň ýokary ýaşaýyş-durmuş derejesi türkmen halkynyň Size beýik ynam bildirýändigini ýene-de bir gezek tassyklaýar.
Siziň Alyhezretiňizi ýene-de bir gezek tüýs ýürekden gutlaýaryn we Size hem-de Siziň maşgalaňyza berk jan saglyk we rowaçlyk, jogapkärli döwlet işiňizde uly üstünlikleri hem-de Türkmenistanyň bähbidine öňde goýan maksatlaryňyza ýetmegiňizi arzuw edýärin.
Hormatlamak bilen,
Mark fon Pents,
“John Deere” kompaniýasynyň oba hojalyk we seýilgäh enjamlary bölüminiň ýolbaşçysy
