Indiki TEKNOFEST tehnologik festiwaly Izmirde, Stambulda we Ankarada geçiriler
Türkiýe Respublikasynyň 100 ýyllygynda awiasiýa, kosmosa we ösen tehnologiýa bagyşlanyp, däp bolup gelýän TEKNOFEST festiwaly Izmir, Stambul we Ankara kabul eder – diýip, Anadolu agentligi habar berýär.
Izmirde çäre 16-njy martdan 19-njy mart aralygynda, Stambulda – 27-nji aprelden 1-nji maýa çenli we 30-njy awgustdan 3-nji sentýabr aralygynda bolsa Ankarada geçiriler.
Bu ýyl festiwalyň çäklerinde 41 esasy bäsleşik 102 sany kiçi bölümlerde geçirmek göz öňünde tutulýar. Olaryň arasynda “Uçýan awtoulaglaryň taslamasyny taýýarlamak”, “Bilim tehnologiýalary”, “Robotaksi”, “Oba hojalyk tehnologiýalary” we “Robot tehnikasy” bar.
Geçen ýyldan tapawutlylykda, ilkinji gezek psihologiýa boýunça tehnologik goşundylaryň ugry boýunça bäsleşik geçiriler.
TEKNOFEST festiwalynyň bäsleşiginde goýlan baýrak gaznasy 13 mln türk lirasyndan gowrak bolar.
TEKNOFEST – bu tehnologiýalar babatyndaky Türkiýäniň taryhyndaky iň uly baýrakly gazna bolan iri bäsleşikdir. Olar ähli tehniki ugurlarda geçirilýär: raketadan başlap awtonom ulgamlara çenli, oba hojalygyndan ýerasty gämi gurluşygyna çenli, pilotsyz uçýan enjamlardan başlap emeli intellekte çenlidir.
Ol tehnologiki toparyň Türk gaznasynyň (T3 Foundation) we Türkiýe Respublikasynyň Senagat we tehnologiýalar ministrliginiň ýolbaşçylygynda jemgyýetçilik we media guramalary we uniwersitetler bilen hyzmatdaşlykda geçirilýär.
ORIENT habarlar
