Turkish airlines Türkiýäniň ýer titremesinden ejir çeken welaýatlaryna goşmaça uçuşlary taýýarlaýar
Turkish airlines milli awiakompaniýasy halas ediş toparlaryny güýçli ýer titremeleri bolan Kahramanmaraş welaýatyndaky betbagtçylyk zolagyna tiz eltmek üçin goşmaça uçuşlary taýýarlaýar. Bu barada Anadolu agentligi awiakompaniýanyň metbugat gullugynyň baştutanyna salgylanyp, habar berýär.
Milli uçar gatnadyjynyň metbugat gullugynyň ýolbaşçysy Ýahýa Ustýunyň sözlerine görä, hadysanyň bolan ýerine ugraýan raýatlar tölegsiz yzyna gaýdyp ýa-da biletiniň senesini çalşyp bilerler.
«Turkish Airlines ähli güýçleri bilen öz halkyna goldaw berer» - diýip, wepat bolanlaryň maşgalalaryna gynanç bildirip we ýaralananlara tiz sagalmagy arzuw edip, Ustýun aýtdy.
Türkiýäniň günorta-gündogaryndaky Kahramanmaraş welaýatyndaky Pazarjyk etrabynda magnitudasy 7,4 deň bolan ýer titremäniň netijesinde 6-njy fewral güni irden sagat 6:30 ýagdaýyna görä, 284 adam wepat boldy, 2,3 müňden az bolmadyk adam ýaralandy.
Weýrançylykly ýer titreme sebitiň ýurtlarynyň birnäçesinde, şol sanda Siriýada, Liwanda, TRSK-de, greklere degişli Kiprde we Yrakda hem duýuldy.
ORIENT habarlar
