Türkmen halkynyň Milli Lideriniň adyna gelen gutlag hatlar
Türkmen halkynyň Milli Lideriniň adyna gelen gutlag hatlar
Onuň Alyhezreti,
Türkmenistanyň Halk Maslahatynyň Başlygy
Türkmen halkynyň Milli Lideri
jenap Gurbanguly Berdimuhamedowa
Siziň Alyhezretiňiz!
Sizi halk häkimiýetiniň ýokary wekilçilikli edarasy –Türkmenistanyň Halk Maslahatynyň Başlygy wezipesine bellenmegiňiz hem-de türkmen halkynyň Milli Lideri diýlip kanuny taýdan ykrar edilmegiňiz bilen tüýs ýürekden gutlaýaryn.
Siziň türkmen halkynyň Milli Lideri hökmünde Türkmenistanyň durnukly ösüşine hem-de rowaçlygyna geljekde hem uly goşant goşjakdygyňyza ynanýaryn.
Siziň bilen geçiren duşuşyklarymyzy ýakymly duýgular bilen ýatlaýaryn, olaryň barşynda ikitaraplaýyn gatnaşyklary ösdürmegiň täze ugurlary kesgitlenildi.
Bilelikdäki tagallalar netijesinde ermeni-türkmen syýasy gatnaşyklary, özara bähbitli ykdysady hyzmatdaşlygy hil taýdan täze derejä çykarjakdygymyza hem-de biziň halklarymyzyň arasyndaky köpasyrlyk dostluk gatnaşyklarynyň taryhy sahypalaryny täze üstünlikler bilen baýlaşdyrjakdygymyza ynanýaryn.
Size berk jan saglyk we uly üstünlikleri, Türkmenistanyň dostlukly halkyna bolsa parahatçylyk we abadançylyk arzuw edýärin.
Nikol Paşinýan, Ermenistan Respublikasynyň Premýer-ministri
Onuň Alyhezreti, Türkmenistanyň Halk Maslahatynyň Başlygy Türkmen halkynyň Milli Lideri jenap Gurbanguly Berdimuhamedowa
Çuňňur hormatlanylýan Gurbanguly Mälikgulyýewiç!
Ermenistan Respublikasynyň Milli Ýygnagynyň adyndan hem-de hut öz adymdan Sizi we kärdeşlerimizi halk häkimiýetiniň ýokary wekilçilikli edarasy – Türkmenistanyň Halk Maslahatynyň Başlygy wezipesine bellenmegiňiz, şeýle hem türkmen halkynyň Milli Lideri diýlip kanuny taýdan ykrar edilmegiňiz mynasybetli tüýs ýüregimden gutlaýaryn.
Biziň hyzmatdaşlygymyzyň parlamentara gatnaşyklarynyň giňeldilmegine we dostlukly halklarymyzyň bähbidine ermeni-türkmen dostlugyny ösdürmek üçin bar bolan mümkinçilikleri durmuşa geçirmäge mundan beýläk-de ýardam berjekdigini berk ynanýaryn.
Pursatdan peýdalanyp, jenap Başlyk, Size berk jan saglyk we jogapkärli döwlet işiňizde üstünlikleri arzuw edýärin.
Hormatlamak bilen,
Alen Simonýan Ermenistan Respublikasynyň Milli Ýygnagynyň Başlygy
