Hindistandan gelen gadymy tansyň ussatlary Türkmenistanda çykyş etdiler
Hindistandan gelen gadymy bharatanatýam hindi tansynyň ýerine ýetirijileri Türkmenistana geldiler. Saparyň çäklerinde olar Türkmenistanyň Magtymguly adyndaky milli sazly drama teatrynyň sahnasynda we Mary welaýatynyň Kemine adyndaky drama teatrynyň sahnasynda çykyş etdiler – diýip, «Türkmenistan» gazeti şu gün habar berýär.
Bharatanatýam — 5 müň ýyl mundan ozal Günorta Hindistanda dörän hindi tansynyň nusgawy görnüşidir. Häzirki wagtda ol bütin dünýäde ýaýrandyr we hem zenanlar hem erkekler tarapyndan ýerine ýetirilýär.
Tansyň tapawutly aýratynlyklary duruşlaryň aýyl-saýyl geometriýasy bolup, tans şekiliniň simmetriýasydyr hem-de çalt we anyk hereketlerdir. Bharatanatýama köplenç «tans edýän ýoga» hem diýilýär.
Çykyşlar hemişe saz toparynyň depreklerde, şeýle hem üflenip çalynýan gurallarda ýerine ýetirmegindäki sazlar bilen alnyp barylýar.
ORIENT habarlar
