Azerbaýjan 2023-nji ýylda YHG-ne başlyklyk etmegi kabul etdi
Azerbaýjan 2023-nji Ykdysady Hyzmatdaşlyk Guramasyna (YHG) başlyklyk etmegi kabul etdi diýip, sişenbe güni YHG-niň baş sekretary Husraw Noziri žurnalistlere aýtdy.
2022-nji ýylda YHG-ne Özbegistan başlyklyk etdi. Sişenbe güni Daşkentde Guramanyň daşary işler ministrleriniň geňeşiniň (DIMG) nobatdaky mejlisi geçirildi.
“Gurama agza ýurtlaryň ählisine YHG-niň maksatlaryny goldandyklary we oňa ygrarlydyklary üçin olara minnetdarlyk bildirip, Azerbaýjan Respublikasyny 2023-nji ýylda YHG-niň başlygy hökmünde mübäreklemek isleýärin” diýip, Noziri mejlisiň netijeleri boýunça geçirilen brifingde aýtdy.
Baş sekretar Azerbaýjanyň “Hususan-da, “ýaşyl geçiş we özara baglanyşyklylyk” temasynyň çäklerinde hyzmatdaşlygy giňeltmek arkaly YHG-niň gün tertibine täze itergi berjekdigine” umyt bildirdi.
YHG – 1985-nji ýylda döredilen sebitleýin döwletara ykdysady gurama bolup, onuň düzümine Eýran, Pakistan, Türkiýe, Gazagystan, Azerbaýjan, Owganystan, Gyrgyzystan, Täjigistan, Türkmenistan we Özbegistan girýär.
ORIENT news
