Türkmenistan “Russiýa – Yslam dünýäsi” ykdysady forumyna gatnaşmaga çakylyk aldy
Türkmen wekiliýeti 2023-nji ýylyň 18-23-nji maýy aralygynda Kazanda geçiriljek “Russiýa – Yslam dünýäsi” Halkara ykdysady forumyna gatnaşar. Türkmenistany abraýly çärä Tatarystan Respublikasynyň premýer-ministriniň orunbasary, ýurduň senagat we söwda ministri Oleg Korobçenko çagyrdy, ol RF-niň türkmen-rus ykdysady forumyna gatnaşýan wekiliýetiniň düzüminde Aşgabatda bolýar.
Ol şeýle hem geçiriljek “Russiýa – Yslam dünýäsi” sammitiniň işine RF-niň prezidenti Wladimir Putiniň gatnaşmagy meýilleşdirýändigini habar berdi. Ýeri gelende aýtsak, 17-nji ýanwarda dostlukly ýurduň baştutany Kazanda her ýyl «KazanForum" halkara işewürlik forumyny geçirmek hakynda permana gol çekdi. Bu çäre ýurtlaryň we sebitleriň arasyndaky hyzmatdaşlygyň ösdürilmegine hem-de pugtalandyrylmagyna ýardam berer.
ORIENT news
