Russiýa Türkmenistanda Aurus awtoulaglaryny öňe ilerleder
Russiýa Türkmenistanda Aurus awtoulaglaryny öňe ilerleder diýip, penşenbe güni Aşgabatda wise-premýer, Tatarystanyň senagat we söwda ministri Olag Korobçenko aýtdy. Ol Türkmen-rus işewürlik-forumyna gatnaşýar.
“Şu gün irden biz bu ýere, foruma gelýärkäk, “Mersedeslerden” ybarat uly awtoulag kerweni bizi ozup geçdi. Men barýan we näme üçin olar “Mersedesleri” münýärler? diýip, pikir edýän. Ýogsa, Aurus has ýokary hilli, tutuşlygyna importuň öwezi doldurylan, Türkmenistana dostlukly ýurt bolan Russiýada öndürilýär. Men Aurusuň tarapdary” diýip, Korobçenko aýtdy.
Ol Tatarystana dolanyp baryp, Aurusy öndürýän kärhananyň ýolbaşsylary bilen gürleşjekdigini belledi.
“Bize Türkmenistanyň ýolbaşçylary bilen gürleşmek we ýüz öwrüp bolmajak teklip aýtmak gerek. Ol biziň hem bronlaşdyrylan, hem sedan derejeli adaty Aurus awtoulaglarymyz bolar” diýip, Korobçenko aýtdy.
“Respublikada häzir Aurus -- “Komendant” täze awtoulagy öndürip başladylar, bu jipleriň tanyşdyrylyşy Tatarystanda 28-nji fewralda geçiriler” diýip, ol sözüniň üstüni ýetirdi.
Aurus – “lýuks” derejeli awtoulaglaryň ilkinj rus brendi bolup, häzir onuň öndüriliş ulgamynda limuzin, sedan hem-de ýolsuz ýerlerden ýöreýän görnüşleri bardyr. Kompaniýanyň paýdarlary – FGUP “NAMI” (63,5%), BAE-niň goranyş, howpsuzlyk we ösüş Gaznasydyr. Aurus awtoulaglary Ýelabugadaky (Tatarystan) zawodda öndürilýär.
ORIENT news
