ABŞ-da dünýäniň iň baý adamsyna garşy kazyýet işi başlandy
Ýanwar 19, 2023 | 15:11 |10725
San-Fransiskonyň kazyýetinde Ilon Maskyň garşysyna iş başlandy. Kazylar galplyk etme baradaky işe seredýärler. Ejir çekenler hökmünde Tesla kompaniýasynyň paýdarlary çykyş edýärler – diýip, Financial Times habar berýär.
Adamlar Maskyň twitleri sebäpli ýetirilen zyýanyň öweziniň dolunmagyny talap edýärler. Ozal ol Teslanyň paýnamalarynyň her birini $420 bahadan satyn almagy meýilleşdiripdi, soňra maýadarlar birdenkä gymmatlan paýnamalary satyn alyp başladylar. Birnäçe wagt geçenden soň gymmatbaha kagyzlaryň bahasy düşdi we paýdarlaryň aýtmagyna görä Maskyň twitleri sebäpli olar birnäçe milliard ýitirdiler.
Günäkär diýlip hasaplanýanlar aýyplamalary inkär edýärler. Kazyýet işiniň üç hepdä çenli dowam etmegine garaşylýar.
ORIENT habarlar
