Fransiýada dünýädäki iň garry adam aradan çykdy
Fransuz monah zenan Lýusil Randon - dünýädäki iň garry adam - 118 ýaşynda Tulonda aradan çykdy. Bu barada köpçülikleýin habar beriş serişdeleri «Frans-Presse» salgylanyp, habar berýärler.
Lýusil Randon Tulondaky Sent-Katrin-Labur garrylar öýünde ýaşaýardy. Sent-Katrin-Laburyň wekili Dewid Tawella onuň ukyda ölendigini habar berdi we şeýle hem munuň Randon üçin halas bolmakdygyny belledi, sebäbi ol Birinji jahan urşunda ýitiren erkek doganynyň ýanyna gitmek isleýärdi.
Fransuz monah aýaly 1904-nji ýylyň 11-nji fewralynda dogulýar. Ýaş wagty ol guwernantka (öý mugallymy) bolupdy, harby hassahanada işläpdi, soňra monah bolupdy we aýal dogan Andre adyny alypdy. 2019-njy ýylda ol öz doglan gününe Rim papasy Fransiskadan öz adyna ýazylan hat we keramatly tesbi sowgat alypdy.
117 ýaşamagyna az wagt galanda ol koronawirusy hem ýeňmegi başarypdy.
ORIENT habarlar
