Türkmenistanyň we Ermenistanyň ykdysady ýokary okuw mekdepleri hyzmatdaşlyk hakynda ähtnama gol çekmegi meýilleşdirýärler
Türkmen Döwlet ykdysadyýet we ösüş instituty we Ermenistanyň döwlet ykdysadyýet uniwersiteti hyzmatdaşlyk hakynda ähtnama gol çekmegi meýilleşdirýärler.
Bu mesele boýunça jikme-jiklikleri Türkmenistanyň Ermenistandaky ilçisi Muhammetgeldi Aýazowyň Ermenistanyň döwlet ykdysadyýet uniwersitetiniň rektory Diana Galoýan bilen bolan duşuşygynda ara alnyp maslahatlaşyldy – diýip, Ermenistandaky türkmen diplomatik wekilhanasynyň Instagram hasabynda habar berilýär.
Taraplar iki ýurduň ýokary okuw mekdepleriniň işjeňligi we ýokary derejeli hünärmenleriň taýýarlanyşy bilen tanyş boldular. Ermenistanyň ýokary okuw mekdebiniň rektory «Amberd» ylmy-barlag merkezi barada gürrüň berdi we türkmen kärdeşlerini bilelikdäki ylmy-barlaglary geçirmäge çagyrdy.
ORIENT habarlar
