Mingazow Gonkongyň «Kitçi» kluby bilen şertnamasyny 2025-nji ýyla çenli uzaltdy
Gonkongyň «Kitçi» FK Türkmenistanyň futbol boýunça ýygyndysynyň ýarym goragçysy Ruslan Mingazow bilen şertnamasyny 2025-nji ýyla çenli uzaltdy.
«Türkmen futbolçysy 2025-nji ýyla çenli klub üçin ussatlarça çykyş etmegini dowam etdirer» – diýip,toparyň Instagramdaky resmi sahypasynda aýdylýar.
31 ýaşly oýunçy 2022-nji ýylyň martynda Kitçiklubynyň hataryna goşuldy we bu futbol klubynyň AFK çempionlaryň Ligasyndaky Toparlaýyn tapgyrynda üstünliki çykyş etmegine uly goşant goşdy. Mingazow 18 oýunda bäsdeşleriniň derwezesine 13 pökgi geçirmegi başardy.
«Men bu şertnamanyň uzaldylmagyna örän şat. Soňky ýarym ýyl meniň üçin şu ýerde edil 5-6 ýyllap gezip ýören ýaly bolup geçip gitdi. Gonkong meniň hakydamda ýatdan çykmadyk täsirleri galdyrdy. Men ýakyn iki ýylda ýokary baha beriljek oýunlaryň ýene-de ençemesiniň amala aşyrylmagyna sabyrsyzlyk bilen garaşýaryn, hususan-da – toparymyz ussatlyk görkezip,biziň janköýerlerimiz üçin abraýly atlary gazanmaga garaşýaryn» – diýip, futbolçy öz Instagram hasabynda ýazdy.
ORIENT habarlar
