Dubaýda 3D tehnologiýasy boýunça dünýäde ilkinji metjit gurlar
Birleşen Arap Emirliklerinde 3D tehnologiýasynyň kömegi bilen dünýäde ilkinji metjit gurlar. Iki müň inedördül metr meýdany eýelejek özboluşly täsin binany Bur-Dubaýyň taryhy künjeginde gurmak meýilleşdirilýär diýip, The National emirlikler neşiri habar berýär.
Metjit tutuşlygna 3D printerde çykarylar. Munuň üçin dört aý gerek bolar we ýene-de bir ýyl hünärmenler binany enjamlaşdyrmak hem-de bezeg işlerini ýerine ýetirmek bilen meşgullanarlar. Taslama eýýäm 2023-nji ýylyň oktýabr aýynda badalga berler – gurluşyk 16 aýa golaý wagty öz içine alar.
“3D neşir tehnologiýasynyň ulanylmagy gurluşyk serişdeleriniň sarp edilişini azaltmaga mümkinçlik berer. Mundan başga-da, bu usul tebigata zeper ýetirmeýär hem-de biziň parasatly ýolbaşçylarymyzyň garaýşyny beýan edýär” diýip, neşir emirligiň Yslam we haýyr-sahawat meseleleri boýunça departamentiniň baş direktory Hamad aş-Şaýbaniniň aýdan pikirini getirýär.
Taslamanyň üstünde işleýän inženerler eksperimental häsiýetli bolandygy sebäpli, metjidi adaty usul bilen guranyňdakydan, bu gurluşygyň 30% gymmat düşjekdigini boýun aldylar.
ORIENT news
