2023-nji ýylyň gyş uniwersiadasy Nýu-Yorkuň golaýyndaky amerikan obasynda geçiriler
12-nji ýanwarda 2023-nji ýylyň Bütindünýä gyşky Uniwersiadasy – dünýäniň dürli künjeklerinden gelen talyplaryň arasynda iki ýyldan bir gezek geçirilýän sport çäresi başlar. Oýunlar Nýu-Yorkuň (ABŞ) golaýyndaky Lake Placid atly kiçijik obada geçiriler.
Bu ýyl bäsleşige dünýäniň 50 ýurdunyň ÝOM-den 1500 töweregi talyp gatnaşar. Ýaryşlarda sportuň 12 görnüşi boýunça 86 medal toplumy ugrunda göreşiler. Esasy maksatnamada sportuň 9 görnüşi, goşmaçada bolsa uniwersiadanyň guramaçylary tarapyndan saýlanan 3 görnüşi bar. “Lekeplacid2023.com” -yň saýtynda berilýän habara görä, iň köp medal konkide ylgaýanlaryň we lyžaly typýanlaryň arasynda oýnalar.
Uniwersiada Talyp sporty halkara guramasy MOSS (FISU) tarapyndan geçirilýän çäre. Uniwersitet oýunlary öz gözbaşyny ABŞ-dan alyp gaýdýar, ol ýerde 1095-nji ýylda talyplaryň arasynda ilkinji sport ýaryşlary geçirilipdi. 1923-nji ýyldan 1957-nji ýyla çenli bu ýaryş "Bütindünýä talyp oýunlary" diýlip atlandyrylýardy we diňe 1959-njy ýyldan bäri adaty "Uniwersiada" adyny aldy.
Uniwersiadalar, Olimpiýa oýunlary ýaly tomusky we gyşky bolup, her 2 ýylda bir gezek geçirilýär. Ýaş türgenlerden edilýän aýratyn talaplar bar: ýurda wekilçilik edýän talyp şol ýurduň raýaty bolmaly, ýaşy 17 ýaşdan 28 ýaş aralygynda bolmaly, gatnaşyjy ÝOM-de okaýan bolmaly ýa-da ony tamamlanyna 1 ýyldan köp wagt geçmedik bolmaly.
Geosyýasy ýagdaý sebäpli, Talyp oýunlary boýunça Halkara komitet russiýaly we belarussiýaly türgenleri Uniwersiada gatnaşdyrmazlyk kararyna geldi. Şeýle hem, 2023-nji ýylyň tomusky uniwersiadasynyň geçirilmeli ýeri (Ýekaterinburgda (RF) geçirilmelidi) üýtgedildip, bäsleşik 26-njy iýundan 7-nji iýul aralygynda Hytaýyň Çendu şäherinde guralar.
2023-nji ýylyň gyş uniwersiadasy 22-nji ýanwarda tamamlanar.
ORIENT news
