Bütindünýä Banky: 2023-nji ýylda dünýä ykdysadyýetiniň ösüşi 1,7% çenli haýallar
Bütindünýä banky 2023-nji ýylda dünýä ykdysadyýetiniň ösüşiniň çaklamasyny 3%-den 1,7% çenli düşürip, görkezijini täzeledi – diýip, BB-nyň resmi saýty habar berýär.
Çap edilen «Bütindünýä ykdysadyýetiniň geljegi»hasabatynda garaşylmadyk ýokary inflýasiýanyň, ony saklamak üçin göterim derejesiniň birden ýokarlanmagy, şeýle hem bütindünýä epidemiologiýa meseleler dünýä ykdysadyýetini yza gaýtmaga itekläp biler – diýlip, bellenilýär.
«Bütindünýä ösüşiň geljegi erbetleşdigiçe ösüş babatyndaky çökgünlik güýçlenýär.<...> Ösüşiň we telekeçilik işine goýulýan maýa goýumynyň gowşaklygy bilimdäki, saglygy goraýyşdaky, garyplykdaky we infrastrukturadaky, şeýle hem howanyň üýtgemegi bilen baglanyşykly zerurlyklary şonsyz hem berbat ediji üýtgetmeleri beterleşdirer» – diýip, BB-y toparynyň prezidenti Dewid Malpass beýan etdi.
Ykdysadyýetiň ösüş depgininiň peselmegine gaýtadan seredilende onuň ösen ýurtlarda 95% bolmagyna garaşylýar, bazarlary täze emele gelýän ýa-da ösüp barýan ykdysadyýeti bolan ýurtlarda 70% garaşylýar.
Bütindünýä bankynyň maglumatlaryna görä, Türkmenistan dünýäde JIÖ-niň ösüş depgini boýunça öňde barýan ýurtlaryň biridir, ol ýylda ortaça 6% deňdir.
ORIENT habarlar
Surat: rbc.ru
