Türkmenistanda Bütindünýä hindi gününi belläp geçdiler
Hindistanyň Türkmenistandaky Ilçihanasy Aşgabatda Bütindünýä hindi gününiň (World Hindi Day 2023) baýram edilişini gurady – diýip, diplomatik wekilhana özüniň Instagramdaky hasabynda habar berdi.
Bu sene mynasybetli D.Azady adyndaky Türkmen milli dünýä dilleri institutynda dürli çäreler guraldy. Hindi dilini öwrenýän talyplar bu ýurduň dilinde goşgulary okadylar, bolliwud tanslaryny ýerine ýetirdiler, şeýle hem olar wiktorina –bäsleşiginiň çäklerinde özleriniň dil bilimini görkezdiler.
Baýramçylyk çäresiniň myhmanlary üçin hindi dilindäki kitaplaryň, milli egin-eşikleriň sergisi görkezildi.
Hindistan Respublikasynyň Türkmenistandaky ilçisi Widhu Pithambaran Nair türkmen talyplarynyň hindi dilini gowy bilýändiklerini belledi we olaryň mugallymlarynyň taýýarlygyna ýokary baha berdi.
ORIENT habarlar
Surat: instagram.com / @indiainturkmenistan
