Gazagystanyň jemgyýetçilik ýerlerinde gödek we paýyş sözler üçin 30 güne çenli tussaglyk kesiler
Gazagystanyň jemgyýetçilik ýerlerinde gödek we paýyş sözler ownuk bozgakçylyk hasaplanar we 2023-nji ýylyň mart aýyndan başlap, bu maddanyň bozulmagy üçin ýurduň häkimiýetleri jerimäni 4 esse artdyrarlar we tussaglyk bolsa 30 güne çenli kesgitlenip bilner – diýip, Kazakhstan Today habar berýär.
Gazagystanyň Jenaýat we jenaýat-prosessual kodeksleriniň, şeýle hem administratiw jenaýat kodeksiniň birnäçe maddasyna giriziljek üýtgetmelere görä, jerime diňe bir köpçülik ýerinde hapa sözleriň ulanylandygy üçin däl, eýsem wandalizm we emläge ýetirilen zyýan üçin hem kesgitlener – diýlip, habarda bellenilýär.
Täzeden redaktirlenen kanunnamada köpçülik ýerlerinde gödek sözler, adamlary kemsitmek we azar bermek, şeýle hem binalary, desgalary, ýaşaýyş jaýlaryny, köpçülik ýerlerini, ulagda we köpçülik ýerlerinde emläkleri we töwerekdäkileri sylamazlygy görkezýän beýleki şuňa meňzeş hereketler ownuk bozgakçylyk hasaplanýar.
Täzeden redaktirlenen kanunnamada ownuk bozgakçylyk üçin jerime 20 AHG (69 müň tenge) deň bolar, tussaglyk 5 günden 30 güne çenli kesgitlenip bilner. Häzirki wagtda şeýle düzgün bozmalar üçin kazyýet trapyndan 5 AHG (17,250 teňňe) möçberinde jerime salýar ýa-da 15 güne çenli tussaglyk kesilýär.
ORIENT news
