Türkmen ýetginjekleri tennis boýunça Aziýa çempionatyna gatnaşmak üçin Bahreýne ugradylar
Türkmenistanyň topary 14 ýaşa çenli ýetginjekleriň arasynda tennis boýunça Aziýa çempionatyna -- ITF Asia 14&U Development Championships ýaryşyna gatnaşar. Ýaryş Bahreýnde, Isa şäherinde başlanýar. Ýaryşlar duşenbe güni, 9-njy ýanwarda başlanyp, 19-njy ýanwara çenli dowam eder.
Sebitleýin kwalifikasiýa ýaryşyna (Günbatar we Merkezi Aziýa, Günorta, Günorta-Gündogar we Gündogar Aziýa) 8 ýurt, hususan-da, Bahreýn, Yrak, Liwan, Gyrgyzystan we Saud Arabystany, Türkmenistan, Özbegistan we Ýemen wekilçilik edýär.
Türkmenistanyň Tennis federasiýasy bu ýaryşa dört oýunçy bilen: oglanlar tapgyrynda iki türgen – Imran Ahundow we Selim Çagylow hem-de gyzlar tapgyrynda iki türgen gyz – Ilima Guseýnowa we Natalýa Martynowa bilen gatnaşýar. Oýnçylaryň şeýle möçberdäki düzümde gatnaşmagy ýaryşyň şertlerinde beýan edilen.
9-njy ýanwarda Imran Ahundow tennis meýdançasynda Ýemenden bolan garşydaşy bilen duşuşar, Selim Çagylow Saud Arabystanly deň-duşy bilen bäsleşer, Ilima Guseýnowa bolsa Liwanyň wekili bilen ýaryşar.
Her milli ýygyndy toparyň reýtingi ýekelikdäki çykyşda görkezen iň oňat şahsy netijeleriň üçüsi we jübütleýin görnüşdäki çykyşyň iň oňat netijleriniň jemi üçisi boýunça kesgitleniler.
ORIENT news
