Russiýada daşary ýurtlularyň nagt däl hasaplaşyklary üçin «Syýahatçynyň kartasy» peýda bolar
Russiýada ýurda gelýän syýahatçylaryň möçberini artdyrmak maksady bilen, daşary ýurtly raýatlaryň nagt däl tölegleri amala aşyryp bilmekleri üçin «Syýahatçynyň kartasyny» dörederler. Bu barada Russiýanyň Ykdysady ösüş ministri Maksim Reşetnikow syýahatçylyk pudagynyň wekilleri bilen bolan maslahatynda aýtdy – diýip, GDA-nyň resmi saýty habar berýär.
Müdirligiň baştutany şeýle hem daşary ýurt raýatlary üçin elektron wiza ulgamynyň täzeden işe girişilýändigini hem nygtady.
Ozal ýurduň daşary işler ministriniň orunbasary Ýewgeniý Iwanow daşary ýurtlular üçin ýeke-täk elektron wiza ulgamynyň taýýardygy barada habar beripdi. Şunuň ýaly wizany almak üçin çakylyk haty, myhmanhanada otagy sargyt etmek we syýahatyň maksadyny tassyklaýan beýleki resminamalar zerurdäl. Ol wiza alnan gününden başlap, 60 gün hereket edýär, şol wiza bilen Russiaýada 16 gün bolmaga rugsat berilýär.
ORIENT habarlar
Surat: akket.com
