FIFA Saud Arabystanyndan ilkinji zenan futbol eminini belledi
"Al-Arabiya" teleýaýlymynyň habar bermegine görä, Halkara futbol federasiýasy (FIFA) Saud Arabystanyndan ilkinji zenan – Anud Al-Asmarini halkara emin edip belledi.
Bu Saud Arabystanynyň 2019-njy ýylda döredilen ilkinji zenanlar ýygyndy toparynyň gatnaşmagynda geçirilen ilkinji oýundan bir ýyl geçmänkä boldy.
Al-Asmari AFP habarlar agentligi bilen söhbetdeşlikde: "Men Saud Arabystanynyň sport taryhynda halkara derejesini alan ilkinji zenan emin bolanyma begenýärin" - diýdi.
Dekabr aýynda patyşalyk 2026-njy ýylda Zenanlaryň arasynda Aziýa kubogyny geçirmek üçin ýüz tutdy.
Soňky üç ýylda Saud Arabystanyň häkimiýetleri ilkinji aýallar futbol ligasyny we gyzlar üçin mekdep ligasyny döretmek ýaly köpçülikleýin futboly, ýaryşlary, bu ugurda türgenleşikleri ösdürmäge ep-esli maýa goýdy.
ORIENT news
