TDHÇB-daky söwdalaşyklar: suwuklandyrylan tebigy gaz we tehniki kükürt eksporta iberildi
Anna güni, 6-njy ýanwarda Türkmenistanyň Döwlet haryt-çig mal biržasyndaky söwdalaşyklarda umumy bahasy $20,1 mln amerikan dollary bolan 10 sany geleşik baglaşyldy – diýip, ORIENT-iň habarçysy habar berýär.
Türkiýeden we Owganystandan gelen telekeçiler suwuklandyrylan gazyň 33 müň tonnasyny satyn aldylar, önümiň her tonnasyna $381 amerikan dollaryny teklip etdiler. Geleşikleriň umumy bahasy $12,5 mln amerikan dollaryna deň boldy.
Türkiýeden gelen telekeçi söwdalaşyklaryň barşynda granulirlenen tehniki kükürdiň 100 müň tonnasyny $7,6 amerikan dollaryna satyn aldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT news
Surat: arhiwlenen
