Türkiýedäki Özýegin uniwersiteti türkmenistanlylary okuwa çagyrýar
Türkiýäniň Özýegin Uniwersitetine girmek üçin ýüz tutmalaryň kabul edişligi başlandy. Bu barada ýokary okuw jaýynyň saýtynda habar berilýär ýokary okuw jaýynyň saýty.
Bu ýokary okuw jaýynda okamaga gyzyklanýan daşary ýurt raýatlaryna, şol sanda türkmenistanlylara bölekleýin talyp haky teklip edilýär.
Ýüz tutmany uniwersitetiň saýty arkaly onlaýn görnüşde tabşyryp bolýar.
Özýegin uniwersiteti Hüsni M. Özýegin Gaznasy tarapyndan esaslandyrylandyr. Talyplaryň ilkinji toparyny bu ýokary okuw jaýy 2008-nji ýylda kabul etdi. Ol binagärlik, maşyn gurluşygy, halkara gatnaşyklary, psihologiýa, işewürligi dolandyrmak, senagat inženerçiligi we beýleki ugurlardan hünärmenleri taýýarlaýar.
Häzir Özýegin uniwersiteti Türkiýäniň iň işjeň hereket edýän we innowasion uniwersitetleriniň reýtinginde ýerleşýär.
Surat: justuniversities.com
