Roždestwo kometasy soňky 50 müň ýylda ilkinji gezek Ýere golaýlaşýar
Uzakdöwürleýin kometa C/2022 E3 (ZTF) 12-nji ýanwarda Güne iň golaý nokada barar, 1-nji fewraldan 2-nji fewrala geçen gije bolsa Ýerden has ýagty bolup görner. Soňky gezek ol Ýeriň golaýyndan 50 müň ýyla golaý mundan öň geçip gidipdir, şol wagtlar biziň planetamyzda mamontlar gezip ýördiler we neandertallar ýaşaýardy, Sahara çölüniň ýerinde bolsa bol hasylly ýerler bardy.
Kometa «Roždestwo» adyny onuň formasynyň Wifleýem ýyldyzynyňka meňzeş bolandygy üçin alypdy. 2-nji fewralda asman jisimi Ýerden 40 mln km uzaklykda ýerleşer – bize Günden 3 esse ýakyn bolar. Ony adaty göz bilen polýar ýyldyzynyň ýanynda görüp bolar.
Häzir Roždestwo kometasyny irden asmanda Demirgazyk täç ýyldyzlar toparynyň ýanynda görüp bolýar.
ORIENT habarlar
Surat: pxhere.com
