Türkiýäniň Energetika ministrligi — Türkiýe fewral aýynda Halkara gaz sammitini geçirer
Ýanwar 05, 2023 | 20:37 |7303
Türkiýe Respublikasy fewral aýynda halkara gaz sammitini geçirer – diýip, Türkiýäniň Energetika we tebigy serişdeler ministri Fatih Dönmez Demirgazyk Makedoniýa eden saparynyň dowamynda beýan etdi – diýip, CNN Türk habar berýär.
Resmileriň sözlerine görä, Türkiýäniň gaz infrastrukturasy Ýewropa sebitiniň ýurtlary üçin hem elýeterli bolup barýar. Şunda sammite çagyrylan döwletleriň sany entek anyklananok.
Golaýda Türkmenistanyň, Azerbaýjanyň we Türkiýäniň baştutanlarynyň Awazadaky sammitiniň netijeleri boýunça taraplar türkmen gazyny alternatiw bazarlara, şol sanda Ýewropa ugry boýunça ibermek meseleleri boýunça iş toparyny döretmek baradaky karara geldiler.
ORIENT habarlar
Surat: www.gazeta.ru
