Ýapon awtoulaglarynyň bahalarynyň arzanlamagyna garaşylýar
Başlanan ýylda Volkswagen, Mazda we Türkmenistanda aýratyn meşhurlykdan peýdalanýan Toyota ýaly awtoulag kompaniýalarynyň arasyndaky bäsleşik bahalaryň arzanlamagyna getirip biler.
Bu barada Russiýanyň milli awtomobil birleşiginiň wise-prezidenti Ýan Haýsýeer habar berdi. Bilermen bazaryň giňelýän depginleriniň örän ýokary bolmajakdygyna garamazdan, awtoulag öndürijileriniň arasyndaky bäsleşigiň güýçlenjekdigini belledi.
Onuň sözlerine görä, şeýle ýagdaýlarda sarp edijilere awtoulaglaryň bahasynyň az kem arzanlamagyna taýýar bolmak gerek.
Şeýle hem söwdalara degişli bolan has özüne çekiji şertleriň peýda bolmagyna garaşylýar.
Häzirki wagtda umumy bahasy ABŞ-nyň 90 million dollaryna barabar bolan Toyota kysymly awtoulaglary hem-de meşhur ýapon kompaniýalarynyň beýleki tehnikalaryny Türkmenistana ibermek boýunça baş ylalaşygyň amala aşyrylýandygyny ýatlap geçmek gerek.
ORIENT news
