Täze ýylyň ilkinji meteor tapgyry we iň uly Gün 4-nji ýanwarda
28-nji dekabrdan 12-nji ýanwar aralygynda uçýan Kwadrantida meteor tapgyry 4-nji ýanwar gijesinde iň ýokary nokada ýeter – diýip, Moskwanyň Planetariumynyň metbugat gullugy habar berýär.
Kwadrantida meteor tapgyry ýiti ýagtylykly “otly” daşlary bilen tanalýar. Olar adaty meteorlardan has uzyn we ýagty, sebäbi has uly galyndylardan emele gelýär. NASA-nyň habaryna görä, tapgyryň iň ýokarky derejesinde Ýeriň atmosferasyndan takmynan 41 km/s tizlik bilen geçýän sagatda ortaça 80 meteory görmek bolar.
Hünärmenleriň pikiriçe, 2023-nji ýylda ilkinji meteor tapgyrynyň dowamynda “gaçýan ýyldyzlaryň” sany 110-a ýeter. Howanyň açyk wagtynda bir minutda iki sany ýanýan meteory synlamak bolar.
Şeýle-de bolsa, Kwadrantidleri synlamagyň şertleri Aýyň dolmagy bilen çylşyrymlaşýar, muňa seretmezden, gijeki asmanda ýanýan “otly” daşlary görmek bolar.
Ýyldyz ýagyşy irden, daň atmazdan öň bolar. Meteorlaryň uçuşyny görmek üçin asmanyň demirgazyk-gündogar gorizontyna seretmeli.
Wolopas ýyldyzlar toplumyndan gaýdýan kwadrantidler köpsanly gowşak meteorlar we ortaça düşme tizligi bilen tapawutlanýar. 2023-nji ýylda Kwadrantidlerden soň indiki esasy meteor ýagşy Liridler bolar.
Olaryň işjeňliginiň dowamlylygy 15-29-njy aprele düşer we iň ýokarky derejä ýetmegi 22 we 23-nji aprelde garaşylýar.
Ýylyň başyndaky astronomiki täsinlikler diňe bular däl. 4-nji ýanwarda Ýer togalagy Gün bilen iň ýakyn aralykda bolar we 2023-nji ýylda Günüň iň uly diskini görmäge mümkinçilik berer.
ORIENT news
