Bolgariýa türk LNG terminallarynyň elýeterligi barada ylalaşyga gol çekdi
"Bloombergiň" habar bermegine görä, Türkiýe Bolgariýa suwuklandyrylan tebigy gaz terminallaryny elýeter etmek bilen "sebitiň gaz üpjünçilik ýagdaýyny diwersifikasiýa edip biljek Ýewropa gaz bazarynyň bir tarapyndan girdi”.
Sişenbe güni Sofiýada gol çekilen ylalaşyga laýyklykda, Bolgariýanyň döwlet “Bulgargaz EAD” kompaniýasy türk terminallary we torlary 13 ýylyň dowamynda arkaly LNG import edip biler.
Bolgariýa ýylda 1,5 milliard kub metr umumy kuwwatlygy ulanyp biler diýip – diýip, Türkiýäniň Energetika ministri Fatih Dönmez habarçylara aýtdy. Eger taslama üstünlikli durmuşa geçirilse, bu kuwwat Bolgariýanyň içerki isleginiň tas ýarysyny diýen ýaly kanagatlandyrar.
Bolgariýanyň premýer-ministri Galab Donew bu şertnamany “taryhy” diýip atlandyrdy, sebäbi Türk Respublikasy ilkinji gezek gaýry kompaniýa üçin öz LNG terminallaryny elýeter etdi.
Günbatar Ýewropa Russiýanyň gazynyň ornuny tutmak üçin täze infrastruktura gurmaga howlukýan wagty, Türkiýe geçen ýyl kuwwatlygy 21,9 million tonna bolan dört LNG terminalynyň ýarysyny-da ulanmady. Bäşinji desga şu aýyň ahyrynda ulanyşa berilmeli.
LNG-den başga-da, Ankara täze ammarlara maýa goýýar we Türkiýeden Ýewropa geçip biljek täze üpjünçilikler barada Russiýa we Türkmenistan bilen gepleşikleri geçirýär. Milliardlarça dollara baryp ýetjek turbageçiriji çykdajylary we ÝB bilen Russiýanyň arasyndaky geosyýasy dartgynlylyk ýüze çykmasy mümkin kynçylyklaryň iň esasylarydyr.
Dekabr aýynda Rumyniýa azerbaýjan gazyny Türkiýäniň üsti bilen import etmäge razy bolanda, Türkiýe öz maksadyna tarap ýene bir ädim ätdi. Häzirki wagtda Bolgariýa uzakmöhletleýin şertnama boýunça Azerbaýjandan ýyllyk üpjünçiliginiň üçden birini alýar.
ORIENT news
