2023-nji ýylda Russiýanyň gazynyň eksportynyň artmagynyň ýarysyna golaýy Hytaýyň paýyna düşýär
Russiýa Aziýanyň energiýa bazarlaryna tebigy gazyň iberilişini artdyrmaga taýýarlanýar. Günbataryň bilermenleri Russiýanyň gazynyň esasy sarp edijisi Hytaý bolar diýip çaklaýarlar, sebäbi mawy ýangyjyň eksportynyň artmagynyň 40%-i onuň paýyna düşýär.
2022-nji ýylyň netijeleri boýunça rus gazynyň daşary ýurt bazarlaryna eksport edilmegi tas ýarym essä golaý aşak düşdi – ýagny 45% pese düşüp, 101 mlrd kub metr boldy. Gazyň gazylyp alynmagy bolsa 20% kemeldi.
Dekabr aýynda Irkutsk oblastynda Kowyktinsk gaz ýatagynyň açylmagy Hytaý ykdysadyýetiniň energiýa serişdelere barha artýan islegini kanagatlandyrmak üçin täze mümkinçilikleri döredýär.
Häzirki wagtda Hytaýa turba geçirijileri arkaly gazy iň köp üpjün edýän ýurt Türkmenistandyr. 2022-nji ýylyň ýanwar-noýabr aýlarynyň dowamynda HHR-na türkmen mawy ýangyjynyň $9,28 mlrd eksport edildi.
ORIENT habarlar
Surat: ria.ru
