Türkmen türgenleriniň 2023-nji ýylda gatnaşmagy maksat edinýän uly ýaryşlary
Türkmen türgenleri 2022-nji ýylda köp sport ýaryşlaryna gatnaşyp, iri halkara çempionatlaryň we ýaryşlaryň dürli medallaryny hem-de baýraklaryny eýelediler.
Ýetip gelen ýylyň hem gyzyklylygy şondan kem bolmaz. Türkmen nýygyndy toparlarynyň sebit we dünýä derejesindäki birnäçe iri sport çärelerine gatnaşmagy meýilleşdirilýär.
Şol çärelriň hatarynda Balide (Indoneziýa) awgustyň başynda geçiriljek Bütindünýä kenarýaka oýunlary bar. Taryhda ikinji Bütindünýä kenarýaka oýunlary 2021-nji ýylda geçirilmelidi, ýöne, koronawirus pandemiýasy sebäpli süýşürildi. Birinji oýunlar 2019-njy ýylda Katarda geçirilipdi. Şonda sportuň 13 görnüşi boýunça 36 ýaryş geçirildi. Medal hasabynda birinji orny Ispaniýa eýeledi.
Şondan bir aý soň, 8-nji sentýabrda Hançžouda (HHR) Tomusky Aziýa oýunlaryna badalga berler. Oňa sportuň 40 görnüşi boýunça medallar ugrunda bäsleşjek türgenleriň 10 müňden gowragynyň gatnaşmagyna garaşylýar.
2023-nji ýylyň 17-26-njy noýabry aralygynda Tailnadyň iki şäherinde – Bangkokda we Çonburide Ýapyk binalarda we söweş sungaty boýunça altynjy Aziýa oýunlary geçiriler. Ýaryşlaryň maksatnamasyna sport görnüşleriniň 32-si hem-de iki görnüşli sport görkezme çykyşlary girizildi.
Ýapyk binalarda we söweş sungaty boýunça Bäşinji Aziýa oýunlary bolsa, 2017-nji ýylda Aşgabatda geçirilipdi. Ýaryşyň netijeleri boýunça umumytoparlaýyn hasapda türkmen ýygyndy topary birinji orny eýeläpdi.
Hytaý Halk Respubliksay sportuň 19 görnüşi boýumça Altynjy kenarýaka oýunlaryny kabul eder. Ýaryşlara 40-dan gowrak döwletlerden türgenleriň 2 müňe golaýy gatnaşarlar.
Saud Arabystany Patyşalygynyň paýtagty – Er-Riýad 2023-nji ýylda Söweş sungatlarynyň Bütindünýä oýunlaryny geçirmäge hukuk aldy. Ýaryş 2023-nji ýylyň 21-30-njy oktýabry aralygynda geçirilip, sportuň söweş görnüşleriniň we başa-baş söweşlerinň 15 görnüşini özünde jemlär.
ORIENT news
