Uly tennis boýunça Türkmenistanyň Kubogyna mynasyp bolanlar belli boldy
Aşgabatda uly tennis boýunça Türkmenistanyň kubogyny almak ugrunda ýaryşlar tamamlandy. Bäsleşige 12 ýaş we ondan uly bolan, milli reýtingde öňdäki ýerlerde barýan oglanlar we gyzlar gatnaşdylar – diýip, ýurduň tennis Federasiýasynda ORIENT-e gürrüň berdiler.
Ýaryşlar güýçli oýunçylardan ybarat bolan toparlary emele getirdi, olar soňra halkara derejesinde geçiriljek ýaryşlarda ýurda wekilçilik ederler.
Oglanlaryň arasynda ýekelikdäki çykyş etmekde ýaryşa uly taýýarlykly gelen Atly Gurbanow Kuboga mynasyp boldy. Ýaryşda ikinji ýeri Ýuriý Rogusskiý eýeledi, münberiň üçünji ýerini bolsa Hajymyrat Çaryýew eýeledi.
Gyzlaryň arasynda ýokary ussatlygy Ilima Guseýnowa görkezdi. “Aşgabat” klubynda milli ýygyndynyň halypasy Mirali Gasanowyň ýolbaşçylygynda tälim alýan ýurduň 12 ýaşyndaky çempiony indiki ýylyň ýanwar aýynda Aziýanyň birinjiligini almak ugrundaky ýaryşda Türkmenistana wekilçilik eder.
Gyzlaryň arasynda ýaryşda ikinji ýeri Rožan Garajaýewa eýeledi, üçünji ýere bolsa Merýem Muhammedowa mynasyp boldy.
Türkmenistanyň Kubogyny almak ugrundaky ýaryşlar bilen bir hatarda 10 ýaşa çenli we ondan kiçi çagalaryň arasynda çagalaryň bäsleşigi hem geçirildi, ol ýaş tennisçileriň arasynda has ukyplylary ýüz çykardy. Şeýlelikde, oglanlaryň arasynda birinji ýeri Aliriza Meredow, ikinji ýeri bolsa Kirill Fedçenkodan üstün çykyp, Demid Ugrýumow eýeledi.
Gyzlaryň arasynda iň güýçlüleri Sülgün Işangulyýewa, Sähra Garahanowa we Näzli Hudaýgulyýewa dagy boldular.
ORIENT habarlar
Foto: Surat Türkmenistanyň tennis Federasiýasy tarapyndan berildi
