TDHÇB-daky söwdalaşyklar: Owganystandan gelen telekeçileriň ECO-5 dizel ýangyjyna bolan gyzyklanmasy artýar
Penşenbe güni, 29-njy dekabrda Türkmenistanyň döwlet haryt-çig mal biržasyndaky söwdalaşyklarda umumy bahasy $4,8 mln. amerikan dollaryna deň bolan iki sany geleşik baglaşyldy.
Owganystandan gelen telekeçiler edil öňkisi güni ýaly , ECO-5 (D-sort) kysymly gidro usulda arassalanan dizel ýangyjyna gyzyklanma bildirdiler.
Öňki söwdalaşyklar bilen deňeşdireniňde önümiň bahasy 0,8% artdy we her tonnasynyň bahasy $973 amerikan dollaryna deň boldy.
Baglaşylan geleşiklere görä, ECO-5 kysymly dizel ýangyjynyň 5 müň tonnasynyň eksport edilmegi göz öňünde tutulýar. Geleşikleriň jemi bahasy $4 865 000 amerikan dollaryna deň boldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
Surat: redaksiýanyň arhiwinden/em>
