Antoniu Gutteriş: 2023-nji ýylda bize parahatlyk hemişekilerden has zerur bolup durýar
Özüniň täze ýyl ýüzlenmesinde BMG-niň Baş sekretary Antoniu Gutteriş 2023-nji ýylda adamzada parahatlyk has zerur bolup durýar – diýip, nygtaýar.
Gapma-garşylyklary gepleşikler arkaly bes etmek üçin birek-birek bilen parahatçylyk; durnukly geljegi gurmak üçin tebigat hem howa bilen parahatlyk – diýip, Baş sekretar öz gutlagynda belleýär.
«Her täze ýyl – bu gaýtadan döreýişiň bir pursatydyr. Ýagty güne taýýarlanmagyň wagtydyr» – diýip, Antoniu Getteriş nygtaýar.
Baş sekretar maşgalalara we öýlere abadançylyk arzuw etdi, erbet görülýän pikirlerden we kemsitmelerden azat bolan internet bolmagy ugrunda ymtylmaklyga çagyrdy.
«Geliň öz sözümiziň we hereketimiziň esasyna parahatçylygy goýalyň» – diýip, ol öz ýüzlenmesinde çagyrdy.
Öň BMG-niň Baş Assambleýasy Türkmenistanyň teklip etmegi boýunça 2023-nji ýyly degişli rezolýusiýany kabul etmek bilen, «Dialog-parahatçylygyň kepili hökmünde» halkara ýyly diýip yglan etdi
Bu resminama şeýle hem dawa-jenjelleri ýatyrmak boýunça we olary gepleşikler ýoluna salmak boýunça amatly şertleriň döredilmegi üçin halkara tagallalaryny goldamaga gönükdirilendir.
ORIENT habarlar
Surat: aa.com.tr
