Russiýa beýleki ýurtlar bilen özara hasaplaşykda kriptowalýuta geçmek mümkinçiligine garaýar
Russiýanyň Maliýe ministrliginiň baştutany Anton Siluanow beýleki ýurtlardaky söwda hyzmatdaşlary bilen kriptowalýutada özara hasaplaşyklara geçmek mümkinçiligini beýan etdi – diýip, TASS agentligi habar berýär.
«Dollarda we ýewroda hasaplaşmalary biz edemizok, her halatda kriptowalýuta biziň bilen söwda gatnaşyklaryny etmäge taýýar ýurtlar bilen hasaplaşmalaryň mümkin bolan çeşmesi bolup durýar – bu näme üçin bolmaly däl?» — diýip, belledi we bu prosessiň ähli taraplar üçin oňaýly bolmalydygyny üstüne goşdy.
Ozal Russiýanyň Maliýe ministrliginiň baştutany öz edarasynyň Russiýada kriptowalýuta bazaryny ösdürmegi we ony kanuny meýdana çykarmagy möhüm hasaplaýar diýip, habar beripdi. Şol bir wagtyň özünde Russiýanyň Maliýe ministrligi kriptowalýuta bazarynyň kanuny taýdan kadalaşdyrylmagynyň tarapdary bolup çykyş edýär.
ORIENT habarlar
Surat: unsplash.com
