Ýüzýän ilkinji STG terminaly Finlýandiýa geldi
Dekabr 29, 2022 | 20:16 |7792
Suwuklandyrylan gazy kabul ediji ýüzýän ilkinji terminal Finlýandiýa geldi. Indi ýurduň günortasyndaky Inkoo porty gaýtadan gaz bilen üpjün edýän desga hökmünde ulanylar. Bu toplumy Finlýandiýa Estoniýa bilen bilelikde ABŞ-nyň kompaniýasyndan geljek 10 ýyl üçin kärendesine aldy – diýip, Euronews habar berýär.
Bu gämi-terminaly STG-y tankerlerden alyp, ony gaza öwrer we turba geçirijilere akdyrar. Inkoo terminalyndan gelýän gazyň bir bölegi Balticconnector turba geçirijisi arkaly Estoniýa ugradylar.
Finlýandiýanyň gazy satyn almaga bolan zerurlygy köp Ýewropa ýurtlaryna garaňda azdyr we ýüzýän gaz terminalynyň kuwwatlygy bu maksatlar üçin artykmajy bilen ýeter.
ORIENT habarlar
Surat: euronews.com
