Türkmenistan bilen Özbegistanyň arasyndaky haryt dolanyşygynyň oňyn saldosy $490 mln ýetdi
Dekabr 29, 2022 | 20:10 |5509
Türkmenistan bilen Özbegistanyň arasyndaky haryt dolanyşygynyň oňyn saldosynyň $490 mln amerikan dollaryna deň bolandygyna Özbegistanyň Döwlet statistikasynyň maglumatlary şaýatlyk edýär.
2022-nji ýylyň ýanwar-noýabr aýlarynda Türkmenistan Özbegistana $674,3 mln amerikan dollara barabar harydy, Özbegistan Türkmenistana - $184,3 mln amerikan dollaryna barabar bolan harydy eksport etdi.
Üstümizdäki ýylyň 11 aýynyň dowamynda iki ýurduň arasyndaky haryt dolanyşygynyň umumy möçberi 12,7% artdy we $858,6 mln amerikan dollaryna deň boldy we Türkmenistana Özbegistanyň daşary söwda boýunça iri hyzmatdaşlarynyň biri bolmagyny üpjün etdi.
ORIENT habarlar
Surat: www.trend.az
