Lebap welaýatynda durky täzelenenden soň merkezi bazaryň täze binasy açyldy

Dekabr 28, 2022 | 18:04 |5151

Täze ýylyň öňüsyrasynda Lebap welaýatynyň dolandyryş merkezi Türkmenabat şäherinde durky täzelenenden soň merkezi bazaryň täze binasy açyldy – diýip, “Türkmenistan” gazeti habar berýär.

283 sany söwda nokadynyň işlejek täze bazar üç gektar meýdany eýeleýär. Onda 157 sany dükan azyk önümleriniň, 126 dükan bolsa – senagat önümleriniň söwdasyny eder.

Bazarda dört sany naharhana, et-süýt, balyk we azyk önümleri bölümi bar. Şeýle hem ulanylyşa berlen bazaryň şäheriň beýleki ýaşaýyş toplumlary bilen durnukly ulag aragatnaşygy doly üpjün edilendir – diýlip, bellenilýär.

ORIENT habarlar
Surat: turkmenmetbugat.gov.tm