Hytaýdan we ABŞ-dan gelýän täzelikleriň esasynda nebitiň dünýädäki bahalary ýokarlanýar
Aziýada we Amerikada bu önüme bolan islegiň artmagy sebäpli nebitiň bahalarynyň ýokarlanyp barýandygyna şu günki söwdalaşyklaryň maglumatlary şaýatlyk edýär – diýip, «Praým» habarlar agentligi ýazýar.
Treýderleriň habar bermegine görä, sişenbe güni irden Brent kysymynyň bahasy ýokary galdy we $85,02 ýetdi, WTI kysymy bolsa - $80,06 çenli ýokary galdy. Bahasynyň ýokarlanmagy ABŞ-dan gelýän täzelikler bilen şertlendirilýär – ol ýerde iki sany iri kärhanada – Motiva Port Arthur we Marathon Galveston Bay zawodlarynda benziniň we dizel ýangyjynyň öndürilişi doly bes edildi.
Hytaýyň hökümeti tarapyndan yglan edilen, 8-nji ýanwardan hereket edip başlajak koronawirus pandemiýasyndan soňky gowşatmalar uglewodorod önümine bolan islegi ep-esli artdyrar.
Aýyň ortasynda nebitiň Brent kysymynyň bahasy $75-e, WTI kysymynyň bahasy bolsa $77-e çenli düşüpdi.
ORIENT habarlar
Surat: unsplash.com
