Ýewropa ýurtlary Türkmenistandan düýe ýüňünden edilen ajaýyp önümleri satyn alýarlar
Türkmenleriň düýe ýüňünden taýýarlaýan el işleri uly islege eýedir we Ýewropa ýurtlaryndaky işewürlerde uly gyzyklanma döredýär – diýip, Türkmenistanyň Döwlet gümrük gullugy öz saýtynda ýazýar.
«Iner düýe ýüňi» diýen söwda nyşanly önüm Italiýa, Fransiýa we Niderlandlara eksport edilýär. Telekeçi zenan Şasenem Garlyýewnyň sungat-studiýasynda düýäniň ýüňünden ajaýyp seçekler, boýun ýaglyklary, ýorganlar we ýassyk daşlyklary taýýarlanýar. Ekologik taýdan arassa we reňk maddalary goşulmadyk önümler adamyň saglygyna hem oňyn täsir edýär.
Şasenem Garlyýewa 2018-nji ýylda düýe ýüňünden önümçiligi ýola goýup, “Ready4Trade Central Asia” taslamasynyň başlangyçlaryna işjeň gatnaşýar, bu taslama Ýewropa Birleşiginiň maliýe taýdan goldaw bermeginde Halkara söwda merkezi tarapyndan amala aşyrylýar.
Şu ýylyň noýabrynda telekeçiniň çeperçilik studiýasyna Ýewropa komissiýasynyň hyzmatdaşlyk departamentiniň wekilleri baryp gördüler.
ORIENT habarlar
Surat: instagram.com / ÝeS-ň Türkmenistandaky Delegasiýasy
