Nemes sarp edijileri üçin tebigy gazyň bahasy 2023-nji ýylda 112% gymmatlap biler
Germaniýanyň ýaşaýjylary dünýädäki energiýa gytlygy sebäpli 2023-nji ýylda elektrik energiýasynyň bahasynyň 44%, tebigy gazyň bahasynyň bolsa -112% gymmatlamagyna duçar bolup bilerler- diýip, Handelsblatt habar berýär.
«Federal hökümetiň energiýanyň bahalaryny çäklendirmegine garamazdan, ýanwar aýynda elektrik energiýasyny sarp edijiler 2021-nji ýylyň güýzünde, energiýa bazarlarynda bahalaryň galyp başlan halatlaryna garanyňda ortaça 44% köp tölärler. Gazyňky bolsa has gymmatlap, 112% bolmagyna garaşylýar» - diýip, nemes neşiri habar berýär.
Eger-de öň nemes öý hojalyklary bir kilowatt-sagada 40 ýewrosent töleýän bolsalar, sarp etmelere baha goýlanda federal hökümetiň çäklendirmesi aýrylandan soňra, ol görkeziji iki esse – 80 ýewrosente çenli ýokarlanyp biler.
Ortaça, eger-de ortaça hasaply nemes maşgalasy 4000 kilowatt sagada golaý sarp edýän bolsa, onda ol maşgala her ýylyna 1,700 ýewrodan gowrak tölemeli bolar. Getirilen hasaplama ähli nemes energiýa paýlaýjylaryna degişlidir: 700 sany gaz bilen üpjün edijilere we 800 sany elektrik togy bilen üpjün edijilere, şeýle hem 30-a golaý sebitleýin energiýa kompaniýalaryna degişlidir.
ORIENT habarlar
Surat: unsplash.com
