GDA-da rus diliniň eýeleýän orny nähilidir bir ikirjiňlenmä sezewar bolup bilmez
Şeýle beýanat bilen Gazagystanyň prezidenti Kasym-Žomart Tokaýew GDA-nyň resmi däl sammitinde eden çykyşynda Arkalaşygyň ýurtlarynyň dil giňişligini berkitmekde we döwletleriň arasynda medeni we ynsanperwer hyzmatdaşlygy ösdürmekde rus diliniň hemişelik möhümdigini aýtdy diýip, duşenbe güni TASS habar berdi.
Gazagystanyň Gda-nyň howandarlygynda rus dilini goldamak boýunça halkara guramany döretmek baradaky başlangyjy iş ýüzünde durmuşa geçiriler we munuň şeýle bolmagyna “2023-nji ýylda Sankt-Peterburga Arkalaşygyň medeni paýtagty derejesiniň dakylmagy ýardam berer” diýip, GR-niň baştutany ýatlatdy. Ol şeýle hem geljek ýyl GDA-da Rus dili ýylynyň bellenjekdigini we bu wakanyň GDA ýurtlarynyň arasynda ynsanperwer gatnaşyklaryň pugtalandyrylmagynyň bähbidine hyzmat etjekdigini nygtady diýip, rus habarlar agentligi habar berýär.
ORIENT news
