Türkmenistanyň Milli ýygyndy topary karate boýunça Daşkentde geçirilýän Aziýa çempionatyna gatnaşýar
16-njy dekabrda Özbegistanyň paýtagty Daşkentde uly ýaşly türgenleriň, şeýle hem 21 ýaşa çenli kadetleriň, ýetginjekleriň we türgenleriň arasynda WKF karate boýunça Aziýa çempionaty başlandy.
Çempionata 28 ýurtdan 700-den gowrak türgen gatnaşýar. Türkmenistanyň milli ýygyndysynyň düzümine 24 türgen girýär. Olar bilen birlikde çempionata kazyýet toparynyň türkmen tarapdan ýedi wekili gitdi. Türkmen eminleri halkara hünär derejesine ýetmek üçin okuw seminarlaryna gatnaşmagy we ýörite synaglary tabşyrmagy meýilleşdirýärler.
Aziýa çempionatynyň maksatnamasynda taryhda ilkinji gezek para-karate kategoriýasynyň (mümkinçilikleri çäkli adamlar üçin) orun alandygyny bellemelidiris.
Karate boýunça Aziýa çempionaty 20-nji dekabra çenli dowam eder. Ozalky çempionat geçen ýyl Gazagystanda geçirilipdi. Şonda ýaryşyň netijelerine görä, toparlaýyn hasap boýunça Eýranyň wekilleri 39 medal bilen öňdeligi eýelemegi başardylar. Ýaryşyň ýer eýeleri ikinji orna mynasyp boldular, Gazagystan 32 sany baýraga mynasyp boldy. Liderler üçlüginiň üçünji topary karateni esaslandyryjylar, ýagny ýaponlar bolup, olar 10 medal gazandylar.
ORIENT news
