Türkmenistanyň gümrükçileri e-TIR halkara maglumat ulgamynyň ornaşdyrylmagyny ara alyp maslahatlaşdylar
Türkmenistanyň döwlet gümrük gullugynyň wekilleri MDP (TIR) kitapçasyny ulanmak arkaly ýükleriň halkara daşalyşy hakynda Gümrük konwensiýasyny durmuşa geçirmek boýunça Tehniki edarasynyň üçünji sessiýasyna gatnaşdylar.
Duşuşygyň gün tertibindäki esasy meseleleriň hatarynda gümrük edaralarynyň işjeňligi üçin möhüm guralyň - elektron halkara maglumatlar ulgamynyň MDP (eTIR) ornaşdyrylmagy boldy.
Halkara eTIR ulgamy milli gümrük edaralarynyň arasynda MDP Konwensiýasynyň düzgünnamalaryna laýyklykda ýükleriň, ulag serişdeleriniň ýa-da konteýnerleriň halkara üstaşyr daşalyşy barada howpsuz maglumaty üpjün etmäge ýöriteleşdirilendir.
Ulgamyň esasy artykmaçlyklarynyň hatarynda – harydy eltip bermekde anyklyk, harytlary bazara tizräk çykarmak we has ýokary girdeji almak mümkinçiligi, MDP tarapyndan daşalan ýükleriň hakyky wagtda hasaba almak mümkinçiligi, artdyrylan howpsuzlyk we ş.m. bardyr.
Bu halkara ulgamy sebitiň köp ýurtlarynda – Özbegistanda, Azerbaýjanda, Gruziýada, Pakistanda eýýäm oturdylandyr.
Baglanyşykly okaň:
IRU Türkmenistanyň adatdan daşary möhüm ulag çatrygy hökmünde eTIR-e birikdirilmegini makullaýar
ORIENT habarlar
Surat: adsfactory.ru
