Ýaponiýanyň awtoulaglary türkmen taksileriniň sanyny artdyrar
Ýaponiýanyň Sumitomo korporasiýasy düzüminde taksileriň 780-si we awtobuslaryň 1330-sy bolan Toyota awtoulaglarynyň 2110-syny Türkmenistana iberýär. Bu baradaky maglumatlary Korporasiýa “Türkmenawtoulaglary” agentligi bilen baglaşylan şertnamanyň jikme-jikliklerini öz resmi saýtynda açyp görkezdi. Şeýle hem onda taksileriň degişli ýaşyl nyşanlary bolan ak reňkli Corolla ulaglarynyň hem-de Hiace we Coaster awtobuslarynyň (olar hem radiatorynyň gözenekleri bilen birlikde ak reňkde) fotosuratlary ýerleşdirilipdir.
Korporasiýanyň maglumatlaryna görä, 115 million dollarlyk bu geleşik täze awtoulaglaryň Türkmenistana ipmortynyň, takmynan, bir ýyllyk bahasy bilen deňdir.
ABŞ-nyň 20 million dollary möçberindäki 860 awtoulag üçin şertnama 2021-nji ýylyň iýul aýynda gol çekildi, şonça möçberden şu ýylyň noýabryna çenli, eýýäm, 469 taksi getirildi. Şonuň yz ýany bilen 2022-nji ýylyň noýabrynda goşmaça şertnama – indi ABŞ-nyň 95 million dollary möçberinde hem-de Toyota awtoulaglarynyň 1250-si üçin şertnama gol çekildi.
Agentlik bilen Sumitomonyň arasynda gepleşikler 2018-nji ýylda başlanyldy, şonuň netijesinde, häzirki şertnama baglaşyldy, ol 2021-nji ýyldan 2022-nji ýyl aralygynda ýurda taksileriň we awtobuslaryň hemme importyny diýen ýaly gurşap alýar.
Sumitomo Türkmenistanyň bazarynda import hem-de paýlamak boýunça 2015-nji ýyldan bäri işleýär.
ORIENT news
