Fransiýada tölegsiz okamak üçin ýüz tutmalary kabul etmek tamamlanyp barýar
Daşary ýurt raýatlaryna Fransiýada magistrlik we doktorlyk derejesini almaga mümkinçilik berýän Eiffel Excellence stipendiýasynyň maksatnamasyna ýüz tutmalaryň kabul edişligi tamamlanyp barýar.
Fransiýanyň Daşary işler ministrligi tarapyndan döredilen bu maksatnama – Fransiýanyň ýokary okuw mekdeplerinde ylym we tehnika ugrundan, şeýle hem ynsanperwer we durmuşy ugurlardan ýokary derejelibilim almak üçin ajaýyp mümkinçilikdir. Ol 25 ýaşa (magistratura girýänler üçin) we 30 ýaşa çenli(doktorantura girýänler üçin) bolan dalaşgärler üçin niýetlenendir.
Her aýlyk talyplyk tölegi (magistrantlar üçin – 1181 ýewro, doktorantlar üçin – 1700 ýewro) ulag, ýaşaýyş çykdajylaryny, saglyk ätiýaçlandyryşy öz içine alýar.
Gyzyklanýan taraplar Fransiýanyň ýokary okuw mekdepleriniň haýsy hem bolsa birine 2023-nji ýylyň 10-njy ýanwaryna çenli maksatnama gatnaşmaga isleg bildirilýändigini belläp, arza ugratmaly.
Eiffel Excellence barada has jikme-jik maglumatlary şu salgy boýunça alyp bolýar salgy.
ORIENT news
Surat: phonoteka.org
