Saud Arabystanynyň Daşary işler ministri Aşgabatdaky Halkara gatnaşyklar institutynda çykyş etdi
Wise-premýer, Türkmenistayň Daşary işler ministri Raşid Meredow Aşgabada sapar bilen gelen Saud Arabystany Patyşalygynyň (SAP) Daşary işler ministri Faýsal bin Farhan Al Saud bilen iki ýurduň arasynda diplomatik gatnaşyklaryň ýola goýulmagynyň 30 ýyllygy mynasybetli Türkmen-saud diplomatik simpoziumyna gatnaşdy.
Bu çäre Türkmenistanyň Daşary işler ministrliginiň Halkara gatnaşyklar institutynda SAP-nyň Daşary işler ministrliginiň ýanyndaky şazada Saud Al Faýsalyň Diplomatik barlaglar instituty bilen bilelikde geçirildi.
Saud Arabystanynyň Daşary işler ministri çykyş edip, üç onýyllygyň dowamynda ikitaraplaýyn gatnaşyklaryň ösüşine yzygiderli seljerme berdi we soňky döwürde sebitde syýasy dartgynlylyk bilen bagly wakalaryň köp bolandygyny we olaryň halkara ýagdaýa täsir edendigini, muňa seretmezden, patyşalyk bilen Türkmenistanyň pugta gatnaşyklary saklamagy başarandygyny belläp geçdi.
Hormatly myhman institutyň içine aýlanmak bilen, onuň alyp barýan işleri, türkmen diplomatlarynyň hünär taýýarlygynyň gidişi bilen tanyşdy.
ORIENT news
