Otly üçin elektron biletlerini gidiş senesinden 15 gün öň satyn almak bolar

Dekabr 20, 2022 | 04:15 |10649

“Türkmendemirýollary” agentligi öz müşderilerine onlaýn otly biletlerini gidiljek seneden 15 gün öň satyn alyp boljakdygyny habar berýär.

Demirýol işgärleriniň resmi saýtynda ýerleşdirilen maglumata görä 16-njy dekabrdan başlap, railway.gov.tm onlaýn platformasynda ýolagçy demir ýol ugurlary üçin elektron biletler 15 gün öňünden satuwa çykarylýar.

Biletleri railway.gov.tm saýtynda ýa-da Railways AGPJ ykjam goşundy arkaly satyn alyp bilersiňiz. Bilet üçin töleg "Altyn Asyr" bank töleg karty arkaly amala aşyrylyp bilner – diýlip, habarda bellenýär.

ORIENT news