Karate boýunça Aziýa çempionatynda Türkmenistanly ýetginjekler bürünç medallara eýe boldular

Dekabr 19, 2022 | 04:08 |13351

Özbegistanyň paýtagty Daşkentde ulularyň, ýetginjekleriň we 21 ýaşa çenli türgenleriň arasynda WKF karate boýunça geçirilýän Aziýa çempionatynda türkmen türgenleri iki sany bürünç medal gazandylar.

Ýetginjekler toparynyna baýraklary 60 kilograma çenli agram derejesinde çykyş eden 16 ýaşly Magtymguly Annaýew we 75 kilograma çenli agram derejesinde çykyş eden 17 ýaşly Hemra Beghanow getirdi.

Aziýanyň birinjiligi ugrundaky ýaryşlara 28 ýurtdan 700-den gowrak türgeniň gatnaşýandygyny ýatladýarys. Türkmenistanyň milli ýygyndysynyň düzüminde 24 karateçi türgen bar. Ýaryş 20-nji dekabrda tamamlanar.

ORIENT news